قصيدة شاعر يوم زواج حبيبتة

أبد.. ما جيت ابارك ولكن جيـت باوصّيـك
على اللي ناوي ٍ تدخل بهـا الليلـه.. مُعذّبْتـي
ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي
ولكنّ النصيب اقوى ولا ادري ويش اسوّي فيك
نعم.. صارت معزّبتك.. ولا صارت معزّبْتي
كذا شاءت بنا الأقدار تحرمني لجـل تعطيـك
كذا لازم عشان تفوز إنت.. أخسر بتجربْتـي
تراها غاليه جـداً.. وتكفـى.. والله يخليـك
تـدللها.. تدلعهـا.. تنسّيـهـا مصاحبْـتـي
أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي
لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي
أبيك تحطها في داخل عيونـك وبيـن ايديـك
واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي
وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي
صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي
ولكن قلّها المجنـون وصّانـي وهـو يعنيـك
وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي
أحس اني تماديت بكلامي.والغضب حاديـك
ولو انّك في مكاني ما تفكّـر فـي محاسبْتـي
كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي
وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي
توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي
ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي
منقول

شعر رائع جدا كلامه يدخل على القلب وتعيش معه لحظة الحزن والله إني وأكتب له قصيدة من قولي علشانه عنوانها/المشاعر
ماني بشاعر يوم شفت المشاعر توليت¤
أكتب قصيد من أنسام الشرايين¤
حلوها ومرها أكتبها مساطر وبالحزن سويت¤
سويت بيات من دموع العين¤

إذا أعجبك القصيدة سوف أكتبها كاملة أريد رأيك نسوم ورأي أعضاء المنتدى وأشكرك هذا أول موضوع يرجعني أكتب الشعر عليه وشوفو أنا لست شاعرا ولكن يعجبني أكتبه
تقبلي مروري

ابدااااااع يابوعبدالله صح لسانك ومشاعرك كملها أبغى أشوفها وهي كامله وأقولك رايي

ليش ماتنزل القصيدة
فرصتك للأنطلاقه من هنا وسنبدي ارانا بصراحة فبمجامله نبقى في الاسفل وبالنقد البناء نرتقي وفرصه لتكون شاعر المنتدى تقبل احترامي

إحترامك على راسي وشوفي القصيدة شبه كاملة بس الإختبارات عوقتني على إكمالها فأعتذر منك على تأخري في تنزيل القصيدة على المنتدى فأكرر إعتذاري.
إهتمامي بالقصيدة والإختبار كانا سواء وكل هذا لأجل من طلبني من أعضاء المنتدى فارجو لاتستعجلو علي وفي وقت الإختبار أهم شي عندي رضاكم.
نسوم تقبلي ردي ودمتي سالمة.

شكرا كتير كتير كتير كتير كتير كتير كتير كتير كتير كتير كتير كتير كتير كتير كتير كتير كتير كتير كتير
و أم سوري

تفرمت جوالي بسب الفيروسات والله كانت القصيدة كاملة وكانت تحمل ثلاثين بيتا لكن سوف أكتبها مرة ثانية إدعولي بثبات
أخوكم أبو عبدالله

الله يعينك يابو عبدالله واحنا ننتظر ابداعاتك التي تضيء المنتدى شكرا لك